Casco antigo de Panamá

Panamá, Patrimonio da Humanidade (ao fondo o contraste da zona nova)

Vou retomar os post sobre Panamá aproveitando que a un amigo lle ofreceron traballar alí un par  de meses, a ver se nestas fotos atopa algo que lle axude a convencerse para cruzar o océano ou para quedar en Galicia...

Fachada principal da catedral (as pedras troxéronas de "Panamá Viejo")

Segundo o meu criterio, a cidade de Panamá pode dividirse en 3 partes: o casco antigo, a zona nova e "Panamá Viejo". Hoxe van algunhas fotos da zona vella, o que foi o corazón desta cidade séculos atrás. O casco antigo de Panamá está en plena fase de remodelación; nótase claramente que estivo esquecido e en parte abandoado durante moitos anos, pero está rexurdindo grazas á inversión estranxeira, coa que se están a restaurar edificios que pasan de seren ruinas a converterense en hoteis, restaurantes, etc. Certamente, aínda falta moito por arranxar no casco antigo de Panamá, pero promete moito, xa que a pesar do notable abandono que se adiviña, segue tendo moitísimo encanto. O malo é que carece un pouco de personalidade xa que apenas quedan panameños nativos ocupando as súas rúas, polo que ás veces da a impresión de que detrás dunha fachada fermosa non hai realmente unha alma que lle imprima máis carácter.Veremos en que queda todo esto cando remate a restauración, a ver se conseguen que esa alma aflore para facer que este casco antigo tan fermoso (é Patrimonio da Humanidade) teña un corazón latexante que lle de vida.

Ruinas dun convento en pleno centro da zona vella

Un dos edificios senlleiros da cidade, actualmente convertido nun museo

Interior da catedral

Queda moito por arranxar, pero seguro que quedará moi fermoso

Unha das mùltiples igrexas panameñas

Casa convertida nun xardín froito do abandono e do clima tropical

Casco antigo de Panamá

Monumento a algún heroe da patria

Fachadas aseguradas provisionalmente agardando pola ansiada restauración

Estatua de madeira na fachada da catedral

Unha praciña no centro da cidade vella

Teatro principal de Panamá

Bocana do Canal de Panamá dende a zona vella