A costa limeña

Cantil de Lima

A costa de Lima é espectacular, xa que toda a cidade asoma ao Océano Pacífico dende un cantil quilométrico espectacular. Enriba do cantil, Lima, embaixo, praias de pedra onde rompe o mar aberto deixando no ambiente un son magnífico. Digno de ver, escoitar e desfrutar.

Fermosa paisaxe

Circuito de praias na costa de Lima

Bordeando o cantil pola estrada costeira

Con cada onda o mar arrastra os pedroulos e deixa un son espectacular

Un gran de aera

Anoitecer na beira do mar

Inca Kola

 

Inca Kola, a bebida gaseosa por excelencia de Perú, país no que conseguiu barrer do mercado á Coca Cola, omnipresente noutros países (coma o noso, por exemplo).

Eso sí, Coca Cola perdeu a guerra á súa maneira... "Se o consumidor peruano prefire a Inca Kola, pois cómpramos a compañía e polo menos quedamos cos cartos".

E claro, mercando a compañía, pois tamén se aseguran de que Inca Kola non se exporte masivamente e compita Coca Cola noutros mercados, porque igual tamén acababan perdendo... Pola miña parte, despois de probar as dúas, podo dicir que a Inca Kola está mooooooooito máis boa que a Coca Cola...

Formatos inexistentes en España: 3 e 3,3 litros, sanísimo

A Lima colonial

Lima ten un centro histórico bastante pequeno, lamentablemente moi degradado e reconstruido na súa meirande parte en anos recentes debido ós destrozos que xeran os tremores que de tanto en tanto sacuden a cidade, algúns con bastante violencia...

Porén, aínda quedan moitos recunchos máxicos que ben paga coñecer nesta cidade, en particular a Praza de Armas, lugar onde se fundou a cidade; nesa mesma praza, destaca a catedral, lugar onde se atopa soterrado Francisco Pizarro, un dos grandes "heroes" españois que, fora como fora, realmente é un personaxe co seu nome propio escrito en letras maíusculas na historia do novo continente.

Aquí xace Francisco Pizarro...

Solpor no Océano Pacífico

E para os que poidan ter dúbidas, sí, tamén hai unha parte moderna